ព័ត៌មាន រាយការណ៍ ព័ត៌មានជាតិ

លោកកន សុខកាយ អភិបាល ស្រុកល្វាឯម បានអញ្ជើញចូលរួម​ ក្នុងពិធីបេីកបវេសនកាល​ ឆ្នាំសិក្សាថ្មី២០២០-២០២១​,,, 

ខេត្តកណ្ដាល ៖ នៅព្រឹកថ្ងៃចន្ទ័ ថ្ងៃទី១១ ខែមករា ឆ្នាំ២០២១នេះ

បានចូរួមអបអរសាទរ ក្នុងពិធីបវេសនកាលឆ្នាំសិក្សាថ្មី២០២០ . ២០២១ ក្រោមអធិបតីភាពលោក សែម សោត្ថីប្រធានក្រុមប្រឹក្សាស្រុក និងលោកកន សុខកាយ អភិបាល នៃគណៈអភិបាលស្រុកល្វាឯម បានអញ្ជេីញជាអធិបតីភាពក្នុង​ ពិធីបេីកបវេសនកាលឆ្នាំសិក្សាថ្មី ២០២០-២០២១​ ដែលធ្វេីឡេីងនៅបរិវេណវិទ្យាល័យ​ ហ៊ុន​ សែន​ ទឹកឃ្លាំង​ ស្ថិតនៅក្នុងឃុំទឹកឃ្លាំង​ ស្រុកល្វាឯម។

ដោយបានការអញ្ជេីញចូលរួមពីសំណាក់​ លោក​ សា​ វ៉ាន់ដា​ អនុប្រធានការិយាល័យផែនការ​ នៃមន្ទីរអប់រំ​ យុវជន​ និងកីឡាខេត្ត,​ លោក​ លោកស្រីសមាជិកក្រុមប្រឹក្សាស្រុក អភិបាលរងស្រុក នាយក​ នាយករងរដ្ឋបាលសាលាស្រុក លោក​ ហេង​ សុផល​ អធិការនគរបាលស្រុក ប្រធាន​ អនុប្រធាន​ និងមន្ត្រីការិយាល័យអប់រំ​ យុវជន​ និងកីឡាស្រុក មន្រ្តីសាលាស្រុក អាជ្ញាធរភូមិ ឃុំ កងកម្លាំង នាយិការ​ នាយករង​ លោកគ្រូ​ អ្នគ្រូ​ និងសិក្សានុសិស្ស​ នៃវិទ្យាល័យ​ ហ៊ុន​ សែន​ ទឹកឃ្លាំង​ សរុបវត្តមានចូលរួមមានចំនួនប្រមាណ​ ២០០នាក់។

ក្នុងពិធីនេះផងដែរ​ លោកអភិបាលស្រុក បានអានសារសន្ទរកថារបស់សម្តេចអគ្គមហាសេនាបតីតេជោ​ ហ៊ុន​ សែន​ នាយករដ្ឋមន្ត្រី​ នៃព្រះរាជណាចក្រកម្ពុជា​ បានថ្លែងក្នុងឪកាស​បេីកបវេសនកាលឆ្នាំសិក្សាថ្មី​ និងលោកអភិបាលស្រុក​ ក៏ដូចជាលោកប្រធានក្រុមប្រឹក្សាស្រុក​ បាននាំយកប្រសាសន៍ផ្តាំផ្ញេីរសួរសុខទុក្ខរបស់ឯកឧត្តមអភិបាលខេត្តកណ្តាល​ និងបានណែនាំសូមលោកគ្រូ​ អ្នកគ្រូ​ ជាពិសេសសិស្សានុសិស្ស​ យកចិត្តទុកដាក់ក្នុងការអនុវត្តធ្វេីអនាម័យជាប្រចាំ​ ពាក់ម៉ាស់​ របាំងមុខ​ ព្រមទាំងលាងដៃអោយបានញ៉ឹកញ៉ាប់ជាមួយសាប៊ូ​ រឺអាកុលសម្លាប់មេរោគ​ ដេីម្បីចូលរួមទប់ស្កាត់​ ការពារជំងឺកូវីដ-១៩​ ព្រមទាំងលេីកទឹកចិត្តដល់ប្អូនៗសិស្សានុសិស្សទាំងអស់​ សូមយកចិត្តទុកដាក់សិក្សារៀនសូត្រ​ និងក្រេបជញ្ជក់ចំណេះដឹង​ ពីលោកគ្រូ​ អ្នកគ្រូ ដែលបានខិតខំបង្ហាត់បង្រៀន។

ចុងបញ្ចប់នៃពិធី​ លោកប្រធានក្រុមប្រឹក្សាស្រុក​ និងលោកអភិបាលស្រុក​ បាននាំយកសម្ភារ:សិក្សារួមមាន​ សៀវភៅសរសេរ​ ៣០០ក្បាល​ និងប៊ិចចំនួ​ន​ ៣០០ដេីម​ របាំងមុខការពារ​ ចំនួន៥០០របាំង​ ព្រមទាំងឧបត្ថម្ភថវិកាជូនប្អូនៗសិស្សានុសិស្សចំនួន១៤០នាក់​ ក្នុងម្នាក់ៗថវិកា៥,០០០រៀល​ និងលោកគ្រូ​ អ្នកគ្រូ​ និងការិយាល័យអប់រំស្រុក​ ៦២នាក់​ ម្នាក់ៗ៣០,០០០រៀល។ បន្ថែមពីនេះលោកអភិបាលស្រុក​ បានប្រគល់ជូនអំពូលសូឡា​ ចំនួន១០គ្រឿង​ ដេីម្បីដាក់បំភ្លឺក្នុងបរិវេនវិទ្យាល័យផងដែរ ៕

adm

Leave a Reply

Your email address will not be published. Required fields are marked *